Tuesday, November 16, 2010

TASTE the ATMOSPHERE




无错,我完全係因为个封面而买呢张专辑嘅。

唔知点解,草原对我总有莫名嘅杀伤力。
陈亦迅最新大碟《TASTE the ATMOSPHERE》,
佢一个人企喺整片草原中间,睇落有啲似我博客嘅头像。

好耐都无买任何专辑,时下啲歌听无几句就无瘾,唔知係埋老咗喱?
放眼香港乐坛,识唱真系无几个。
有时觉得,依家嘥钱买张碟好似买六合彩咁,好唔好听真係靠运。
好彩,仲有医神,就算差极都有限呱?

Well,张碟,其实真麻麻。

以一位算係已经上位嘅歌手嚟讲,Eason 嘅出片率实在有啲 “ 过剩 ”。
出得多,质数或多或少都会有啲参差不全。
《TASTE the ATMOSPHERE》唔差,
但係就无咗以前听《SHALL WE DANCE》个种惊艳。

唯一令人醒神係同露云娜合唱《讲男讲女》。
听落仲以为青春廿二D靓妹仔,点知原来係乐坛老前辈!
失觉失觉!把声一出,香港依家个D所谓歌手全部冧晒。


“ 如讲起恋爱这课题我不需跟你一般见地,如跻身恋爱中我和对方亦无法分出胜利
  就当参加游戏,场中各施各法术与秘技  ”


静係听,唔觉点难唱,唱落先知个中难度,呢啲就叫歌手啰。

张碟就无乜惊喜啦,不过好彩有大草原,
有医神把靓声,加埋 Sweet Sweet 哋露云娜,好彩~

2 comments: