TASTE the ATMOSPHERE

我完全係因为个封面而买呢张专辑。

唔知点解，草原对我有莫名嘅杀伤力，
陈亦迅新碟《TASTE the ATMOSPHERE》，
佢独自企喺草原中间，

睇落有啲似我博客嘅头像。

好耐都无买任何专辑，

时下啲歌听无几句就无瘾，

唔知係埋老咗喱？
放眼香港乐坛，识唱真系无几个，
依家嘥钱买张碟好似买六合彩咁，

好唔好听真係靠运，
好彩，仲有医神，差极都有限。

Well，张碟，其实麻麻。

以一位已经上位嘅歌手嚟讲，

Eason 嘅出片率实在有啲 “ 过剩 ”，
出得多，质数或多或少都会有啲参差不全，
《TASTE the ATMOSPHERE》唔差，
但就无咗听《SHALL WE DANCE》个种惊艳。

唯一令人醒神係同露云娜合唱《讲男讲女》，
听落仲以为青春廿二 D 靓妹仔，

点知原来係乐坛老前辈，失敬失敬。

把声一出，香港依家个 D 所谓歌手全部收皮。


“ 如讲起恋爱这课题我不需跟你一般见地，如跻身恋爱中我和对方亦无法分出胜利
  就当参加游戏，场中各施各法术与秘技  ”


静係听，唔觉难唱，

唱落先知难度，呢啲埋叫歌手啰。

张碟就无乜惊喜啦，不过仲有大草原，
有医神把靓声，加埋 Sweet Sweet 嘅露云娜，

好彩。